
Di n’autru iornu è ghiunta la fini,
Picchi non pigghiu sonnu?
Forsi, picchi di iornu è accussi difficili pinsari,
mentri a notti a testa diventa com’un temporali,
china di ricordi, pinseri e rucizzi unni anniari.
Â
Picchi non pigghiu sonnu?
A sta matina mi susìi ch’i pinsera di quannu era nicareddu
A me infanzia a passai n’de nonni, picchi i me genitori avevanu troppi impegni,
non c’era tempu pi travagghiu casa e figghi.
I scoli scurrenu ristannu vivu a tutt’i scumpensi de carusi ca su naturali n’da l’adolescenza;
u primu baciu accussì duci e addisideratu da lassarimi a vucca aperta sensa ciatu,
i primi nisciuti cu l’amici, i primi amuri felici
E du sensu di putenza ca sulu a giuvinezza sapi dari.
Â
Intra stu ciumi di ricordi mi pessi finu a menzu iornu.
E macari che pinseri ava arrivatu nda mità ra me vita
Quannu m’ammazzava di travagghiu p’aviri u cori votu e chinu u pottafogghiu.
A di tempi non si pinsava a nenti sulu a macinari a ghiurnata
 E essiri giudicatu di tutti, di amici e parenti ca dicevunu schizzannu
“taliatulu a cu tuttu e a cu nentiâ€
Ma chi ni putevunu sapiri iddi di quanti cosi mi persi
Sulu pi taliari l’interessi.
Â
L’amuri di na fimmina, sintirimi chiamari papÃ
Già chista è a virità …
Sulu, comu ora na sta nuttata ca non pigghiu sonnu
Semu setti miliardi n’da tuttu u munnu e iu sugnu sulu.
Chista è a ricupensa p’aviri travagghiatu comu n’mulu
Â
A notti è ghiunta ormai di qualche ura
Comu publicu silenziusu aiu avutu sti quattru mura
E comu amica sulu sta pinna cunfissura,
ancora non pigghiu sonnu e sugnu stancu.
È tempu di lassari ‘sta casa leggia,
Ma china di sordi, argentu e oru
Di nautru iornu è ghiunta la fini
Vistu ca adessu iu...
Moru
email:Â massimocarbonarolg@gmail.com